2024/2025-ci illər mövsümünün qalan hissəsinə Türkiyədə hazırlaşan “Turan Tovuz” komandası bu gün ilk yoxlama matçını keçirib.
Arena.az xəbər verir ki, Tovuz təmsilçisi Antalyada Rumıniyanın “Qloriya” (Buzeu) komandası ilə qarşılaşıb.
Oyun rəqib komandanın 2:0 hesablı qələbəsi ilə yekunlaşıb.
Bu qış fasiləsi dönəmində Azərbaycandan kənarda hazırlıq keçən yeganə klubumuz yanvarın 12-də daha bir yoxlama oyunu keçirəcək. Kurban Berdıyevin kollektivi Özbəkistanın “Paxtakor” komandası ilə üz-üzə gələcək.
Xatırladaq ki, Azərbaycan klublarının bu gün keçirdikləri digər yoxlama görüşlərində “Qarabağ” “Kəpəz”i 5:1, “Zirə” isə “Şamaxı”nı 3:1 hesabı ilə məğlub edib. “Sumqayıt” – “Araz-Naxçıvan” qarşılaşması isə heç-heçə yekunlaşıb – 2:2.
Yoxlama oyunu
9 yanvar
Turan Tovuz – Qloriya 0:2
