Yerli KİV-də yanvarın 20-dən sonrakı iki gün ərzində Bakıda və ətraf ərazilərdə qar yağacağı, temperaturun kəskin enəcəyi ilə bağlı xəbərlər yayılıb. Bu barədə Millli Hidrometeorologiya Xidmətindən Metbuat.az-ın sorğusuna cavab olaraq bildirilib ki, deyilən tarixə 10 gün qalıb və bununla bağlı qurum tərəfindən məlumat yayılacaq. “Bizdə hələki növbəti 2-3 günün hava proqnozu ilə bağlı məlumatlar mövcuddur. Qarın yağması, hava şəraitinin dəyişməsi ilə bağlı məlumatlar olduqda informasiya veriləcək”, - deyə xidmətin mətbuat katibi qeyd edib. Sevinc İbrahimzadə / Metbuat.az
