Mövzu ilə bağlı politoloq Məhəmməd Əsədullazadə Demokrat.az-a açıqlama verib.
O qeyd edib ki, Pakistan və Azərbaycan arasında siyasi, iqtisadi, hərbi-texniki, müdafiə və təhlükəsizlik sahəsində əməkdaşlıq yüksək səviyyədədir:
“Bu müttəfiqliyi rəsmiləşdirmək üçün artıq hüquqi baza yaradılmalıdır. Yeni dünya siyasi nizamı qurulur və bu siyasi nizamda dövlətlər artıq öz strateji müttəfiqləri ilə konkret olaraq, hüquqi bazada formalaşdırırlar. Azərbaycanla Pakistan arasında hərbi-texniki və müdafiə sahəsində əməkdaşlıq çox yüksək səviyyədədir. Azərbaycan ötən il Pakistandan 40-a yaxın qırıcı təyyarə alıb. Yəni, bu onu göstərir ki, Pakistan Azərbaycanın etibarlı hərbi tərəfdaşıdır. Azərbaycan və Pakistan liderləri mütəmadi olaraq qarşılıqlı səfərlər edirlər. Daim Pakistan Azərbaycanı, Azərbaycan da Pakistanı dəstəkləyib. Düşünürəm ki, bu səfərdə də tərəflər iki tərəfli yeni müqavilələr bağlayacaqlar. Artıq strateji müttəfiqlik istiqamətində də yenə bir müqavilə bağlanmalıdır. Təbii ki, bundan narahat olan Hindistan, Ermənistan, İran kimi ölkələr var. Pakistan Azərbaycan əməkdaşlığı heç də üçüncü ölkəyə qarşı yönəlməyib”.
Leyla
Demokrat.az
