“AA Teknoloji” şirkətinin istehsalı olan “Tere” pilotsuz təyyarəsi Türkiyədə ilk rəsmi missiyasını uğurla başa vurub. Bu barədə Sistemlər və Kibertəhlükəsizlik Direktoru Əmrə Çəbişli danışıb.
“Təpə müharibə, zəlzələ, daşqın və sosial iğtişaşlar şəraitində vizual əlaqə yaratmağa imkan verəcək”,- Əmrə Çəbişli deyib. O, canlı yayım funksiyasına malik pilotsuz təyyarənin 4K təsvir keyfiyyətinə malik iki kamera ilə təchiz olunduğunu vurğulayıb. Cihaz vizual əlaqə yaratmaq çətin olan strateji əhəmiyyətli və təhlükəli ərazilərdə işləyə bilər.
Bundan əlavə, Çəbişli qeyd edib ki, dron güclü küləkdə işləmək və məlumatları təkcə daxili yaddaşda deyil, həm də operatorun eynəklərində qeyd etmək qabiliyyətinə malikdir. Yaxın vaxtlarda cihazın seriyalı istehsalına başlanılacağı gözlənilir.
//Samir Qurbanov, Editor.az
