Bu gün futbol üzrə İtaliya çempionatında (A Seriyası) 2024/2025-ci illər mövsümünün 20-ci turunun növbəti oyunları keçirilib.
Arena.az xəbər verir ki, ikinci oyun günündə dörd qarşılaşma baş tutub.
“Udineze” – “Atalanta” matçında qapılara qol vurulmayıb. Turin derbisində üz-üzə gələn “Torino” və “Yuventus” arasındakı görüşdə qalib müəyyənləşməyib – 1:1. Elə “Milan”ın “Kalyari” ilə ev oyununda da oxşar nəticə qeydə alınıb. Dörd qolun vurulduğu “Empoli” – “Leççe” görüşü isə qonaqların inamlı qələbəsiylə yekunlaşıb.
20-ci turun qalan görüşləri yanvarın 12-də və 13-də keçiriləcək.
İtaliya, A Seriyası
20-ci tur
10 yanvar
Latsio – Komo 1:1
Qollar: Dia, 34 – Kutrone, 72.
11 yanvar
Empoli – Leççe 1:3
Qollar: Kakaçe, 47 – Tete Morente, 6. Krstoviç, 11; 90+1.
Udineze – Atalanta 0:0
Torino – Yuventus 1:1
Qollar: Vlaşiç, 45+1 – K.Yıldız, 8.
Milan – Kalyari 1:1
Qollar: A.Morata, 51 – Zortea, 55.
12 yanvar
15:30. Cenoa – Parma
18:00. Venesiya – İnter
21:00. Bolonya – Roma
23:45. Napoli – Verona
13 yanvar
23:45. Montsa – Fiorentina
