Ukrayna Silahlı Qüvvələrinin tərkibində xüsusi əməliyyat zonasında döyüşlərdə iştirak edən latviyalı muzdlu Edqar Platonov "LXR"in (Qondarma Luqansk Xalq Resublikası) Novoeqorovka kəndi yaxınlığında məhv edilib. Bu barədə Rusiya mediası məlumat yayıb. Saytlar Latviya Müdafiə Nazirliyinə istinad ediblər.
Nazirliyin məlumatına görə, Platonov dekabrın 25-də öldürülüb.
"O, 41 yaşında Ukrayna Silahlı Qüvvələrinin Xarici Legionunda xidməti vəzifələrini yerinə yetirərkən vəfat edib", - Baltikyanı respublikanın Müdafiə Nazirliyinin saytında yerləşdirilən məlumatda deyilir.
Məlumatda həmçinin qeyd edilib ki, Platonov Ukrayna Silahlı Qüvvələrinin sıralarına könüllü qoşulmaq qərarına gəlibmiş. O, bundan əvvəl Latviya Silahlı Qüvvələrində xidmət edib.
Sosial şəbəkələrdə isə onun məşhur muzdlu döyüşçülərdən olduğu yazılır.
Xatırladaq ki, yanvarın 9-da Britaniyanın “The Daily Telegraph” qəzeti Ukrayna Silahlı Qüvvələrinin tərkibində döyüşlərdə iştirak edən keçmiş britaniyalı hərbçi Ceyk Uoddinqtonun həlak olması barədə məlumat yaymışdı. Materialdan belə məlum olur ki, britaniyalı muzdlu Zaporojya bölgəsində Rusiyanın pilotsuz təyyarəsi tərəfindən məhv edilib.
Tural
