Dəm qazından kütləvi zəhərlənmə: 11 nəfər xəstəxanalara yerləşdirildi VİDEO

Sumqayıtda bir ailənin 5 üzvü dəm qazından zəhərlənib.

Xezerxeber.az-ın məlumatına görə, dəm qazından zəhərlənən şəxslər - 44 yaşlı  İlqar Süleymanov, onun həyat yoldaşı 39 yaşlı Könül Süleymanova  və onların 3 övladıdır.   

Goranboyda isə  bir gündə 6 nəfər zəhərlənib.

Dəliməmmədli şəhər sakinləri olan bir ailənin 4 üzvü yaşadıqları mənzildə dəm qazından zəhərləniblər. 3 kişi, 1 qadın dərhal Gəncə şəhərində yerləşən xəstəxanalardan birinə çatdırılıblar. Onlara ilkin tibbi yardım göstərilib.

Goranboyda daha bir zəhərlənmə rayonun Veyisli kəndində qeydə alınıb. Kənd sakinləri olan 16 və 13 yaşlı iki bacı odunla qızdırılan sobadan çıxan tüstüdən zəhərləniblər. Onlar Goranboy Rayon Mərkəzi Xəstəxanasına çatdırılıblar.  

Faktlarla bağlı araşdırma aparılır. 

Xezerxeber.az mövzu ilə bağlı daha ətraflı videomaterialı təqdim edir.