Timsah azyaşlı qızı uddu

İndoneziyanın Banqka-Belitunq adalarında qalay filizi gölməçəsində çimən 5 yaşlı qız itkin düşüb.

SeherXeber.org xarici KİV-ə istinadla xəbər verir ki, hadisə yanvarın 10-da baş verib.

Belə ki, hücumdan sonra itkin düşən qızı tapmaq üçün hərəkətə keçən axtarış-xilasetmə qrupları bazar günü yerli vaxtla saat 05:20-də uşağın cəsədini tapıb.

Çaca kimi tanınan qızı sonuncu dəfə şənbə günü tərk edilmiş qalay filizi mədən gölündə çimərkən görüblər.

Onun cəsədi dəfn olunmaq üçün ailəsinə təhvil verilib.