“Britaniyalı aktyor Cud Lounun Rusiya Prezidenti Vladimir Putinin rolunu oynayacağı “Kreml sehrbazı” filminin yaradıcıları Kremllə əlaqə saxlamayıblar”.
“Qafqazinfo” “İzvestiya”ya istinadən xəbər verir ki, bunu Putinin mətbuat katibi Dmitri Peskov deyib.
“Biz əslində xəbərləri görmüşük, lakin bu barədə heç nə bilmirik”.
Onun sözlərinə görə, Kreml filmin nədən bəhs etdiyini və süjetinin nədən ibarət olduğunu bilmir.
Qeyd edək ki, film İsveçrə-İtaliya yazıçısı Ciuliano da Empolinin eyniadlı kitabı əsasında çəkiləcək.
Filmin premyerasının nə vaxt olacağı hələlik məlum deyil.
