ABŞ Qrenlandiyanın alınmasının dəyərini təxmin edir

Nyu-York Federal Ehtiyat Bankının keçmiş iqtisadçısı Devid Barker "The New York Times" qəzetinə müsahibəsində Qrenlandiyanın alınmasının dəyərini açıqlayıb. Onun fikrincə, ABŞ-ın yeni seçilmiş prezidenti Donald Trampın istəyilə adanın alınması 77 milyard dollara başa gələcək.

Mütəxəssis hesablamaları üçün ABŞ-ın 1917-ci ildə Danimarkadan Virgin adalarını alması xərclərini əsas götürüb. Bu, Vaşinqtona 25 milyon dollara başa gəlib (bugünkü məzənnə ilə - təxminən 657 milyon dollar)

İqtisadçının fikrincə, hazırda qiymətə həm ABŞ-ın, həm də Danimarkanın ÜDM-nin həcmi, həm də 1917-ci illə müqayisədə onun dəyişməsi daxil olacaq.

"Daha böyük iqtisadiyyat daha çox ödəməyə qadirdir və daha kiçik olan daha yüksək qiymət tələb edəcək", - Barker deyib.

Danimarkanın ÜDM-i 500 dəfə artıb, ona görə də Qrenlandiyanın ilkin dəyərini 12,5 milyard dollar dəyərində qiymətləndirmək olar. ABŞ-ın 1867-ci ildə Rusiyadan 7,2 milyon dollara aldığı Alyaskanın dəyəri ilə bağlı düzəliş də nəzərə alınacaq. İndi bu ərazinin qiyməti ABŞ ÜDM-nin artımını nəzərə alsaq, 77 milyard dollara çata bilər. 

Daha əvvəl Reuters xəbər vermişdi ki, ABŞ Konqresindəki respublikaçılar Tramp vəzifəyə gəldikdən dərhal sonra Qrenlandiyanın alınması ilə bağlı danışıqlara başlamağa imkan verən qanun layihəsi hazırlayıblar. 

• Danimarka
• Donald Tramp
• DÉ™yÉ™r
• Qrenlandiya
• Ehtiyat Bankı