.jpg)
ABŞ-ın yeni seçilmiş prezidenti Donald Trampın Nümayəndələr Palatasında müttəfiqləri Qrenlandiyanın satın alınmasına icazə verən qanun layihəsi təqdim ediblər.
Publika.az xəbər verir ki, bu barədə "Fox News" məlumat yayıb.
“Qrenlandiyanı yenidən möhtəşəm et” adlı layihəyə respublikaçı Endi Oqles rəhbərlik edib və digər 10 respublikaçı həmkarı tərəfindən dəstəklənib. Sənəd yeni prezidentə inauqurasiyadan dərhal sonra Danimarka ilə Qrenlandiyanın alınması üçün danışıqlara başlamağa imkan verir:
“Amerikanın iqtisadi və təhlükəsizlik maraqları artıq arxa planda qalmayacaq və Nümayəndələr Palatasının respublikaçıları prezident Trampa Amerika xalqı adından uğur qazanmağa kömək etməyə hazırdır”.
Qeyd olunur ki, belə bir alış üçün Nümayəndələr Palatasının vəsait ayırması və ABŞ Senatının təsdiqi tələb olunur.
