Tbilisinin Ortaçala rayonunda yerləşən yaşayış binalarının birində gecə saatlarında güclü partlayış baş verib.
Teleqraf.com xəbər verir ki, partlayışa qaz sızmasının səbəb olduğu ehtimal edilir.
Binanın fasadının bir hissəsinin və divarların dağılması nəticəsində bir nəfər ölüb, biri uşaq olmaqla dörd nəfər isə xəsarət alıb.
Yaralananlar xəstəxanaya çatdırılıb, onlardan birinin vəziyyəti ağır qiymətləndirilir.
Binada Abxaziyadan olan məcburi köçkünlər yaşayır. Mənzilləri zərər görən sakinlər müvəqqəti yaşayış yerləri ilə təmin olunacaq.
Müəllif: Cəmilə Babayeva
