Myanmada baş verən torpaq sürüşməsi nəticəsində 12 nəfər həyatını itirib, onlarla adam isə itkin düşüb. Yerli media orqanlarının məlumatına görə, hadisə Kaçin əyalətinin şimalında, Yanqon şəhərindəki nefrit mədənində baş verib. Hadisə nəticəsində 50-yə yaxın evin ziyan gördüyü bildirilib. Torpaq sürüşməsi səbəbindən 30-50 nəfərin itkin düşmüş ola biləcəyi vurğulanıb. Eyni bölgədə ildə bir neçə dəfə torpaq sürüşmələri baş verdiyi vurğulanır.
Qeyd edək ki, 2020-ci ilin iyul ayında həmin bölgədə baş verən torpaq sürüşməsi nəticəsində 160-dan çox insan həyatını itirmişdi.
