ABŞ-ın yeni seçilmiş prezidenti Donald Tramp Rusiya lideri Vladimir Putinlə mümkün qədər tez görüşmək istəyir...
Poliqon xəbər verir ki, Tramp bu barədə “Newsmax” telekanalına müsahibəsində bildirib.
“Mən onun görüşmək istədiyini bilirəm və mən çox tez zamanda görüşəcəyəm. Kaş ki, daha tez olaydı. Ancaq bilirsiniz ki, əvvəlcə vəzifəyə başlamalıyam”, deyə Tramp bildirib.
Qeyd edək ki, Trampın gələcək milli təhlükəsizlik müşaviri Mayk Uols ABC News telekanalına bildirib ki, Rusiya lideri ilə ABŞ-nin yeni seçilmiş prezidenti arasında telefon danışıqları yaxın gələcəkdə baş tuta bilər. Tramp bundan əvvəl prezidentliyinin ilk altı ayında Putinlə görüşmək istədiyini və bu cür təmaslara hazır olduğunu bildirib.
Rusiya dövlət başçısının mətbuat katibi Dmitri Peskov qeyd edib ki, Putin yeni amerikalı həmkarı ilə heç bir şərt olmadan görüşməyə hazırdır.
Poliqon.info
