1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Sərnişinlər metro qatarlarının hərəkət intervalının çox olmasından şikayətçidirlər.
Onlar bildirirlər ki, metronun "Azadlıq Prospekti" stansiyasında səhər qatarlar təxminən 9 dəqiqə interval ilə gəlir, "İnşaatçılar" stansiyasında isə bir dəqiqədən artıq gözləyir.
Məsələ ilə bağlı Oxu.Az "Bakı Metropoliteni" QSC-yə sorğu ünvanlayıb.
Qurumun mətbuat katibi Bəxtiyar Məmmədov məsələ ilə bağlı Oxu.Az-a açıqlamasında bildirib ki, Bakı metropoliteninin "yaşıl" və "qırmızı" xətlərində səhər və axşam gur saatlarda sərnişin sıxlığının tənzimlənməsi məqsədilə qatarların hərəkət qrafiki nəzərə alınır:
"Sərnişin sıxlığının tənzimlənməsi məqsədilə səhər saatlarında qatar "Memar Əcəmi" stansiyasından geri qaytarılır. Həmin vaxt "Nəsimi"-"Dərnəgül" sahəsində interval iki dəfə artıq olur. Hazırda yeni qrafiklə monitorinqlər yekunlaşmaq üzrədir. Sərnişin sıxlığı mümkün texniki imkanlardan istifadə edilməklə optimallaşdırılır".
Aygün Mirakif
