Naxçıvan Dövlət Universitetinin Elmi Kitabxanasında “Şərq qapısı” qəzetinin əməkdaşı və universitetin Bələdiyyə və turizm kafedrasının dosenti, iqtisad üzrə fəlsəfə doktoru Əli Cabbarovun “Yüz ilin Naxçıvanı” adlı kitabının təqdimatı keçirilib.
Mia.az-ın məlumatına görə, Naxçıvan Dövlət Universitetinin Elm və innovasiyalar üzrə prorektoru, biologiya üzrə fəlsəfə doktoru, dosent Elsevər Əsədov təqdimatı açaraq bildirib ki, dövlət başçısı cənab İlham Əliyevin Sərəncamı ilə 2024-cü ildə Naxçıvan Muxtar Respublikasının 100 illik yubileyi qeyd olunub. O qeyd edib ki, yubiley ilinə töhfə olaraq Əli Cabbarovun hazırladığı bu kitabda müəllifin muxtar respublikanın tarixi, həmçinin iqtisadi, sosial və mədəni inkişafı, eləcə də dövlət başçımızın apardığı uğurlu daxili və xarici siyasətlə bağlı “Şərq qapısı” qəzetində, www.mia.az saytında, ABŞ-də, çap olunmuş məqalələri toplanıb.
MİA.AZ
