"Əl-Nəsr" futbolçusu Kriştiano Ronaldo ilə yeni müqavilə ilə bağlı danışıqlar aparır.
Bizim.Media xəbər verir ki, bu barədə jurnalist Ben Ceykobs öz sosial şəbəkələrində məlumat yayıb.
Səudiyyə Ərəbistan klubu 39 yaşlı hücumçusu ilə müqavilə imzalamağa yaxındır.
Yeni razılaşmaya əsasən portuqaliyalı futbolçu həftəyə 3 milyon funt sterlinq, üstəlik komandanın göstəricilərinə əsasən bonuslar qazanacaq. Ronaldo özü 2026-cı ilin dünya çempionatında çıxış etməsi üçün Səudiyyə Ərəbistanda qalmağa üstünlük verir.
Qeyd edək ki, Kriştiano Ronaldo bu mövsüm "Əl-Nəsr"in heyətində 20 matça çıxaraq 17 qol vurub və 3 qolun ötürməsini edib.
Bizim.Media
