Bu gün futbol üzrə Almaniya çempionatında (Bundesliqa) 2024/2025-ci illər mövsümünün 17-ci turuna start verilib.
Arena.az xəbər verir ki, ilk oyun günündə dörd qarşılaşma baş tutub.
Altı qolun qeydə alındığı “Holştayn” – “Borussiya” (Dortmund) matçında meydan sahibləri inamlı qələbəyə seviniblər.
Mönhenqladbax “Borussiya”sı da “Volfsburq”la səfər oyununda darmadağına üzülüb.
Beş qolun qeydə alındığı “Ayntraxt” – “Frayburq” matçında meydan sahibləri böyük hesabla qələbə qazanıblar.
Son çempion “Bayer” də bu dəfə “Maynts”la ev oyunundan tək qolla qalib ayrılıb.
17-ci turun qalan görüşləri sabah keçiriləcək.
Almaniya, Bundesliqa
17-ci tur
14 yanvar
Holştayn – Borussiya (Dortmund) 4:2
Qollar: Matino, 27. Harres, 32. Bernardsson, 45+4. Arp, 90+8 – Reyna, 71. Gittens, 77.
Bayer – Maynts 1:0
Qol: Qrimaldo, 48.
Ayntraxt – Frayburq 4:1
Qollar: Kox, 43. Marmuş, 65. Ekitike, 71. Kollinz, 81 – Doan, 37.
Volfsburq – Borussiya (Mönhenqladbax) 5:1
Qollar: Vind, 3-pen. Mehle, 60. Arnold, 75. Nmeça, 84; 87 – Fukuda, 89.
15 yanvar
21:30. Boxum – Sankt Pauli
23:30. Bayern – Hoffenhaym
23:30. Ştutqart – Leypsiq
23:30. Union Berlin – Auqsburq
23:30. Verder – Haydenhaym
