Türkiyənin pilotsuz təyyarə istehsalçısı Baykarın da iştirak etdiyi Fergani Space şirkətinin ilk peyki SpaceX raketi ilə kosmosa buraxılıb.
Ucnoqta.az xəbər verir ki, bu barədə “Anadolu” agentliyi məlumat yayıb.
Buraxılış ABŞ-dakı Vandenberq Hərbi Hava Qüvvələri bazasından həyata keçirilib.
Peyk “Transporter-12” missiyası çərçivəsində kosmosa göndərilib.
“20 illik hədəfə çatdıqdan sonra bir az da irəli getdik və kosmos araşdırmalarına başladıq”, - “Baykar”ın İdarə Heyətinin sədri Səlcuq Bayraktar peykin buraxılışını şərh edərkən deyib.
Onun sözlərinə görə, “Ferqani” layihəsi çərçivəsində Türkiyə şirkəti qlobal mövqeləşdirmə sistemi yaratmaq niyyətindədir.
O, həmçinin bildirdi ki, Ferqani peyki üçün hidrogen peroksid mühərriki sınağı 2024-cü ilin may ayında aparılıb.
