"Yaprak Dökümü" serialının sevilən aktrisası Bedia Ener son mənzilə yola salınıb.
Day.Az Milli.Az-a istinadən xəbər verir ki, tanınmış aktrisa Bedia Ener dəfn olunub. "Yaprak Dökümü" serialında Neyyir xanım obrazı ilə milyonların qəlbində iz qoyan usta sənətkarı, serialın Ali Rza Bəy obrazını canlandıran Halil Ergün göz yaşları ilə yola salıb.
Bedia Ener bir müddətdir ki, xərçənglə mübarizə aparırdı.
Öz açıqlamalarında müalicə prosesindən və sinəsinin alınmasından bəhs etmişdi.
Təəssüf ki, uzun mübarizədən sonra aktrisa 70 yaşında dünyasını dəyişdi.
Halil Ergün, Bedia Ener-in vida mərasimində iştirak edən azsaylı həmkarlarından biri idi.
O, "Yaprak Dökümü" serialının heyətinin vida mərasimində iştirak etməməsinə kəskin şəkildə etiraz edib.
Halil Ergün mərasimdə göz yaşlarını saxlaya bilməyərək: "Onu bu son yolculuğunda yalnız buraxmaq olmazdı," deyə bildirib.
