Baş direktoru “Baykar” İdarə Heyətinin sədri Səlcuq Bayraktar olan “Fergani Space”in ilk peyki FGN-100-d1, SpaceX Falcon 9 raketi ilə ABŞ-dakı Vandenberq Hərbi Hava Qüvvələri bazasından kosmosa buraxılıb.
News24.az xəbər verir ki, FGN-100-d1 raketi Transporter-12 missiyası çərçivəsində SpaceX Falcon 9 raketi ilə kosmosa göndərilib.
ABŞ-dakı Vandenberq Hərbi Hava Qüvvələri bazasından atılan Transporter 12 missiyası kubat, mikropeyk və orbital nəqliyyat vasitələri də daxil olmaqla, kosmosa 131 faydalı yük daşıyıb. Bu faydalı yüklər arasında “Fergani Space”in ilk FGN-100-d1 peyki və Türkiyənin kosmik texnologiya şirkətlərindən biri olan Plan-S peykləri var.
Uğurlu Transporter-12 missiyasının görüntüləri SpaceX-in X hesabından canlı yayımlanıb.
“Fergani” peyki üçün hidrogen peroksid kosmik mühərrikinin sınağı ötən ilin mayında uğurla başa çatıb. Səlcuk Bayraktar “Fergani”nin komanda peyklərindən ibarət olan qlobal yerləşdirmə sistemini idarə etmək üçün nəzərdə tutulduğunu bildirib.
“Fergani Space” innovativ və orijinal texnologiyaları vasitəsilə kosmos daşımalarında və aşağı orbitli peyk xidmətlərində davamlı və sərfəli həllər yaratmaqla fərqlənməyi hədəfləyir.
Aynurə
