Bakı, 15 yanvar, AZƏRTAC
Avropa İttifaqı (Aİ) Rusiyaya qarşı 16-cı sanksiyalar paketini hazırlayır və bu ölkənin mayeləşdirilmiş təbii qazından (LNG) tədricən imtina etməyi planlaşdırır.
AZƏRTAC “Bloomberg” agentliyinə istinadla xəbər verir ki, ötən il Aİ-nin Rusiyadan idxal etdiyi LNG-nin həcmində rekord artım qeydə alınsa da (16,3 milyon ton) qərar sanksiyalar paketində əks olunub.
Ukrayna da yanvarın 1-dən öz ərazisindən Rusiya qazının Avropaya tranzit nəqlini dayandırıb.
Qeyd edək ki, Aİ Rusiyadan LNG ilə yanaşı alüminium idxalından da imtina edəcək.
