Bakı, 15 yanvar, AZƏRTAC
ABŞ-ın Milli Basketbol Assosiasiyasında (NBA) növbəti oyunlar keçirilib.
AZƏRTAC xəbər verir ki, müntəzəm mövsümdə daha yeddi qarşılaşma təşkil olunub.
"Filadelfiya"nın qonağı olan Qərb Konfransının lideri “Oklahoma-Siti Tander” Şai Qilqeus Aleksandrın 32 xal, 9 assisti, Calen Uilyamsın 24 xal və 6 məhsuldar ötürməsi ilə ardıcıl 3-cü, mövsümün 33-cü qələbəsini qazanıb.
Qərb konfransının dördüncüsü "Denver Naqqets" isə səfərdə “Dallas Maveriks”i 118:99 hesabı ilə məğlub edərək ardıcıl 4-cü, mövsümün 24-cü qalibiyyətinə imza atıb.
Matçların nəticələri:
"Filadelfiya" - “Oklahoma-Siti Tander” – 102:118
"İndiana Peysers" - "Klivlend Kavalyers" – 117:127
“Atlanta Huks” - "Foniks Sans” – 122:117
"Miluoki Buks" - “Sakramento” – 130:115
"Çikaqo Bullz" - "Nyu Orleans Pelikans" – 113:119
“Dallas Maveriks” - "Denver Naqqets" – 99:118
“Portland Treil Blazers” - "Bruklin Nets" – 114:132
