Bakı, 15 yanvar, AZƏRTAC
Qadın futbolçulardan ibarət Azərbaycan millisinin üzvü Jalə Məhsimova Türkiyənin “Amedspor” komandasına keçib.
Bu barədə AZƏRTAC-a 28 yaşlı müdafiəçinin özü məlumat verib. O, bu gün Superliqa klubu ilə müqavilə bağlayacağını bildirib.
Qeyd edək ki, Jalə Məhsimova son olaraq Türkiyənin digər təmsilçisi “Bəylərbəyi” komandasının formasını geyinib.
