Naxçıvan hakimiyyəti ictimai yerlərdə siqaret çəkilməsinə qadağa kampaniyasına başlayıb. Turanın bölgə müxbirinin verdiyi məlumata görə, qadağa bu ilin ölkədə Ekologiya İli olması ilə izah edir. Belə ki, Naxçıvanın ticarət obyektlərində, bazarlarında siqaret əleyhinə plakatlar asılıb. Bundan sonra ictimai yerdə siqaret çəkən hər kəs İnziabti Xətalar Məcəlləsinin 197-ci maddəsi ilə 35 manat cərimə olunacaq. Artıq bir neçə nəfər cərimələnib. Tezliklə siqaretə qarşı qadağaların parklarda və digər ictimai obyektlərdə tətbiq olunacağı da istisna deyil.
