“İnanıram ki, Umar Nurməhəmmədovun UFC kəmərini almaq üçün kifayət qədər gücü var”
Offsideplus.az xəbər verir ki, rusiyalı Aleksandr Severin “Match TV”-yə deyib ki, UFC çempionu Merab Dvalişvilinin davranışını bəyənmir, həmçinin rusiyalı, Umar Nurməhəmmədovun gürcüdən kəməri ala biləcəyinə ümid etdiyini bildirib.
“Mən Nurməhəmmədovun qəfəsdəki tərzini və Umarın mediada özünü aparmasını bəyənirəm. Aydındır ki, o, tərbiyəli, sakit, nizam-intizamlı, məşq prosesinə tamamilə bağlı olan oğlandır. Dvalişvilini isə heç sevmirəm. İnanıram ki, Umarın ondan UFC kəmərini almaq üçün kifayət qədər bacarığı var. Düşünürəm ki, döyüş nokautla başa çatacaq”- Severin bildirib.
Döyüş yanvarın 18-də Los-Ancelesdə UFC 311 turnirində baş tutacaq.
Qeyd edək ki, Nurməhəmmədov MMA karyerasında keçirdiyi 18 döyüşdən 18-də qalib gəlib, Dvalişvilinin isə 18 qələbə və 4 məğlubiyyəti var.
