Bakı/30.12.22/Turan: Bakı-Sumqayıt avtomobil yolunun 21-ci kilometrliyində yerüstü piyada keçidinin tikintisilə əlaqədar yanvarın 2-nə keçən gecə saat 1-dən səhər saat 5-ə kimi hər iki istiqamətdə nəqliyyatın hərəkəti məhdudlaşdırılacaq. Bu barədə dekabrın 30-da Azərbaycan Avtomobil Yolları Dövlət Agentliyi bildirib.
Bu müddətdə sürücülərə Saray-Novxanı yolundan istifadə etmək tövsiyə olunur. Qeyd edək ki, yolun 21-ci kilometri Ceyranbatan gölünün başlanğıcına düşür. 02D
