Şanxay limanı 2024-cü ildə yük dövriyyəsinə görə dünya liderliyini qoruyub saxlayıb.
Sfera.az bu barədə hökumətin ötən ilin işlərinin yekunlarını əks etdirən dərc olunmuş hesabatına istinadən xəbər verir.
Belə ki, 2024-cü ildə Şanxay limanının ümumi konteyner ötürmə qabiliyyəti 51,5 milyon TEU-nu (standart 20 futluq konteynerə bərabər) ötüb.
Beləliklə, yük dövriyyəsinə görə Şanxay limanı son 15 ildə saxladığı dünya liderliyini 2024-cü ildə də qoruyub saxlayıb. Şanxay limanı həm də yük dövriyyəsi 50 milyon TEU-dan çox olan dünyada ilk olub.
Qeyd edək ki, Şanxay limanı vasitəsilə konteyner daşınması 1978-ci ildə başlayıb. O dövrdə yük dövriyyəsi təqribən 7,9 min TEU olub və 2011-ci ildə bu rəqəm 30 milyon TEU-nu keçərək getdikcə artıb.
Firuzə Əliyeva
