Fələstinin Həmas hərəkatı İsraillə atəşkəs və girovların azad edilməsi ilə bağlı razılığa gəldiyini açıqlayıb. Bu barədə Əl-Cəzirə xəbər verir.
Nəşr bildirir ki, qrupun nümayəndə heyəti təklif olunan sövdələşməyə razılığını Misir və Qətərdəki vasitəçilərə çatdırıb.
Eyni zamanda, “The Times of Israel” mənbələrə istinadən yazır ki, HƏMAS son anda qəbuledilməz tələblər irəli sürüb.
Qeyd olunur ki, Qətərdəki İsrail nümayəndə heyəti fələstinlilərdən son anda razılaşdırılmış şərtlərə zidd olan tələblər alıb.
Tərəflər arasında razılaşmanın şərtləri İsrailin sazişin birinci mərhələsində Filadelfiya dəhlizinə nəzarəti özündə saxlamasını nəzərdə tutur.
Onu da əlavə etmək lazımdır ki, ABŞ-ın yeni seçilmiş prezidenti Donald Tramp məhbusların azadlığa buraxılması ilə bağlı razılıq əldə edildiyini açıqlamışdı.
