İsrail ordusu gözlənilən atəşkəs və əsir mübadiləsi razılaşması öncəsi qüvvələrinin Qəzza zolağından mərhələli şəkildə çıxarılması üçün hazırlıqlara başlayıb.
Bizim.Media xəbər verir ki, İsrail dövlət televiziyası KAN-ın məlumatına görə, Ordunun Cənub Komandanlığı son 24 saat ərzində Qəzzadan qoşunların mərhələli şəkildə çıxarılması ilə bağlı vəziyyəti dəyərləndirmək üçün iclas keçirib.
Hesabatda Qəzzanın şimalı ilə cənubunu birləşdirən Netzarim dəhlizi, həmçinin Qəzza-Misir sərhədindəki Filadelfiya dəhlizi vasitəsilə qoşunların mərhələli şəkildə çıxarılmasının planlaşdırıldığı açıqlanır.
Qeyd edək ki, az əvvəl HƏMAS vasitəçilərə Qəzzada İsraillə atəşkəs razılaşması və girovların azad edilməsi barədə razılıq verib.
Bizim.Media
