“Liverpul”un keçmiş baş məşqçisi, məşhur alman mütəxəssis Yurgen Klopp görüşmək istədiyi idmançının adını açıqlayıb.
Arena.az “Racing News 365” dərgisinə istinadən məlumat verir ki, Klopp Formula-1-in niderlandlı məşhur pilotu Maks Ferstappenlə görüşmək arzusunu ifadə edib:
“Bizim müzakirə edəcəyimiz çoxlu mövzular olacaq. Mən məmnuniyyətlə Maksla görüşmək və söhbətləşmək istərdim. Mənə maaraqlıdır ki, o, öz işini necə görür və saatda 300 mil sürətlə diqqətini necə cəmləyir”, deyə Klopp bildirib.
Xatırladaq ki, hazırda Klopp “Red Bull” şirkətində futbol əməliyyatları üzrə dünyəvi rəhbər vəzifəsini icra edir.
Yurgen Klopp daha öncə “Liverpul”da, Dortmund “Borussiya”sında və “Maynts”da, həmçinin Frankfurt “Ayntraxt”ının gənclərdən ibarət komandasında baş məşqçi olub.
