ABŞ-ın yeni seçilmiş prezidenti Donald Tramp aktyorlar Mel Gibson, Ancelina Colinin atası Con Voyt və Silvester Stalloneni Hollivuda xüsusi səfir təyin edərək, Xəyallar fabrikini “qaranlıqdan işığa” gətirəcəyini vəd edib.
“Fox” xəbər verir ki, bu barədə o, özünün “Truth Social” sosial şəbəkəsində yazıb.
“Mən Con Voyt, Mel Gibson və Silvester Stalloneni gözəl, lakin çox problemli Hollivuda, Kaliforniya ştatına xüsusi səfirləri elan etməkdən şərəf duyuram”, -Tramp “Truth Social”-da yazıb.
"Onlar son dörd ildə xarici ölkələrdə çoxlu müştərisini itirmiş Hollivudu geriyə qaytarmaq - daha böyük, daha yaxşı və güclü geriyə dönmək üçün mənim xüsusi elçilərim olacaqlar! Bu üç çox istedadlı insan mənim gözüm və qulağım olacaq və Mən onların təklif etdiklərini edəcəm, bu, Amerika Birləşmiş Ştatlarının özü, Hollivudun Qızıl Dövrü kimi olacaq!”- ABŞ-ın seçilmiş prezidenti andiçmə mərasimindən dörd gün əvvəl yazıb.
Almaz Həsənli
