Misli Premyer Liqasının XIX turunun ikinci gününə “Zirə” – “Araz-Naxçıvan” oyunu ilə start veriləcək.
İdman.biz xəbər verir ki, komandalar ölkə çempionatları tarixində 7-ci dəfə üz-üzə gələcək.
Əvvəlki 6 oyunda üstünlük Naxçıvan klubunun tərəfindədir. 3 qələbəsi olan bölgə təmsilçisi 2 heç-heçə edib və 1 dəfə uduzub. Top fərqində isə bərabərlik hökm sürür – 4-4.
Öz meydanında qələbəsi olmayan “Zirə” evdə qol da vurmayıb. Son 5 qarşılaşmada qonaq olan komanda uduzmayıb.
| 01.10.2023 | Araz-Naxçıvan - Zirə (Bakı) | 1:0 |
| 09.12.2023 | Zirə (Bakı) - Araz-Naxçıvan | 0:0 |
| 25.02.2024 | Araz-Naxçıvan - Zirə (Bakı) | 0:3 |
| 29.04.2024 | Zirə (Bakı) - Araz-Naxçıvan | 0:1 |
| 26.10.2024 | Araz-Naxçıvan - Zirə (Bakı) | 1:1 |
| 06.11.2024 | Zirə (Bakı) - Araz-Naxçıvan | 0:1 |
Qeyd edək ki, matç saat 16:00-da başlayacaq.
İdman.biz
