Yanvarın 25-də İsrail və HƏMAS arasında ikinci mübadilə raundu baş tutacaq.
Yeniavaz.com xəbər verir ki, bu barədə HƏMAS məlumat yayıb.
“HƏMAS təsdiq edir ki, girov mübadiləsinin ikinci mərhələsi planlaşdırıldığı kimi - yanvarın 25-i şənbə günü baş tutacaq”, - bəyanatda deyilib.
Qeyd edək ki, yanvarın 19-da Qəzza zolağında atəşkəs rejimi qüvvəyə minib. Döyüşlər İsrail və Fələstin hərəkatı arasında razılaşmanın bir hissəsi kimi dayandırılıb.
Həmin gün HƏMAS üzvləri üç qadın girovu Beynəlxalq Qızıl Xaç Hərəkatının nümayəndələrinə təhvil veriblər.
Bundan sonra İsrail 90 fələstinli məhbusu azad edib. Birinci partiyaya Qərb Sahilinin 78 sakini və Şərqi Qüdsün 12 sakini daxil olub.
