Portuqaliyalı superulduz Kriştianu Ronaldunun komandası - "Əl-Nəsr" Səudiyyə Ərəbistanının Pro Liqasının 16-cı turu çərçivəsində "Əl-Xalic"lə qarşılaşıb.
Fanat.Az xəbər verir ki, oyun qonaqlarıin 3:1 hesablı qələbəsi ilə yekunlaşıb.
Ronaldu bu görüşdə 90 dəqiqə meydanda olub və dubla imza atıb. O, 65-ci və 90+8-ci dəqiqələrdə fərqlənib.
Qeyd edək ki, 16 oyuna 32 xal yığan "Əl-Nəsr" çempionatın turnir cədvəlinin 3-cü pilləsindədir. “Əl-Hilal” 43 xalla birinci, “Əl-İttihad” 40 xalla ikincidir.
Ronaldu bu mövsüm “Əl-Nəsr”in heyətində bütün turnirlərdə 22 oyuna çıxaraq 19 qol və 3 məhsuldar ötürmə ilə yadda qalıb.
