Səs səviyyəsi 50 dB və daha çox olan xarici səs-küy mənbəli istehsalat obyektləri yaşayış və ictimai binalara nəzərən DTN 2.04-03-ə və “Ətraf mühitə və insan sağlamlığına mənfi təsir göstərən vibrasiya və səs-küy çirklənmələri normaları”na müvafiq yerləşdirilməli, həmçinin səs-küydən mühafizə tədbirləri nəzərdə tutulmalıdır.
Heftelik.az-ın məlumatına görə, bu, “Sənaye müəssisələrinin baş planları. Layihələndirmə normaları”nda əksini tapıb.
Suyun vəziyyətinə təsir edən istehsalat obyektləri yerləşdirilərkən “Ətraf mühitə təsirin qiymətləndirilməsi haqqında” qanunun və Azərbaycan Respublikasının Su Məcəlləsinin tələblərinə əməl olunmalıdır.
