Futzal üzrə Avropa çempionatının ilkin mərhələsində iştirak edəcək 19 yaşlılardan ibarət Azərbaycan millisinin yekun heyəti açıqlanıb.
Arena.az xəbər verir ki, bu barədə Azərbaycan Futzal Federasiyasının mətbuat xidməti məlumat yayıb.
Xəbərdə bildirilir ki, millimizin baş məşqçisi İlqar Aslanov ikisi qapıçı olmaqla 12 oyunçunu səfərə aparacaq.
Qapıçılar: Əbdül Hüseynov, Əli Həsənzadə;
Oyunçular: Nazim Hüseynov, Oqtay Mahmudzadə, Ümid Qəhrəmanov, Bəyoğlan Vəlizadə, Pünhan Qasımov, Ədalət Ələkbərov, Rəvan Məsiyev, Rəvan Quliyev, Umud Qasımov, Hüseyn Cəfərzadə.
Qeyd edək ki, B qrupunda yer alan U-19 millimiz yanvarın 25-də Kosovo, ertəsi gün – yanvarın 26-da San Marinonun müvafiq yaş qrupunundan ibarət yığması ilə qarşılaşacaq. Bu qrupun oyunları San Marinoda keçiriləcək. Ancaq birinci yerin sahibi əsas mərhələyə vəsiqə qazanacaq. Əsas mərhələnin görüşləri isə martın 21-dən 26-dək keçiriləcək.
