Bakı, 23 yanvar, AZƏRTAC
Malavidə son üç ay ərzində ildırım vurması və fırtına səbəbindən ölənlərin sayı 31-ə çatıb.
AZƏRTAC Sinxua agentliyinə istinadla xəbər verir ki, ildırım vurmasından 22 nəfər, fırtına səbəbindən isə 9 nəfər həlak olub.
Fəlakətlərin İdarə Olunması İşləri Departamentinin hesabatına görə, xəsarət alanların ümumi sayı da 382-yə yüksəlib.
Qeyd edək ki, rəqəmlərə dekabrın ortalarında 13 nəfərin ölümü və 29 nəfərin yaralanması ilə nəticələnən Çido tropik siklonunun vurduğu itkilər daxil deyil.
