2025-ci ilin fevral ayında Almaniyada parlament seçkiləri keçiriləcək. Seçkilərdə Alman Sosial-Demokrat Partiyası (SPD), Xiristian Sosial İttifaqı (CSU) və Almaniya üçün Alternativ Partiyası (AfD) iştirak edəcək.
Maraqlıdır ki, Almaniyadakı azərbaycanlılar seçkilərə necə hazırlaşır və hansı partiyanı dəstəkləyirlər?
Almaniyanın Zaxhsen-Anhalt əyaləti üzrə Alman-Azərbaycan Cəmiyyətinin sədri Yaşar Niftəliyev Modern.az-a azərbaycanlıların dəstəklədiyi siyasi partiyalar barədə danışıb:
"Seçkilərə az vaxt qalıb. Sözün düzü, azərbaycanlılardan namizəd olanlara hələ rast gəlməmişəm. Azərbaycanlıların dəstək verdikləri partiyalar Alman Sosial0Demokrat Partiyası və Xiristian Sosial İttifaqıdır. Bu partiyaları dəstəkləməyə davam edəcəyik".
Y.Nftəliyev söyləyib ki, Türkiyədən namizədlər var: "Onlar artıq neçə ildir ki, burada işləyir və yaşayırlar. Onu da deyim ki, son vaxtlar Almaniyada baş verən hadisələrlə, yəni gəlmələrin, suriyalıların, ərəblərin törətdiyi terror aktları ilə əlaqədar bəzi əyalətlərdə üstünlük Alternativ Partiyasındadır".
Diaspor nümayəndəsi Almaniyadakı azərbaycanlıları seçkilərdə aktiv olmağa çağırıb:
"Son seçkilərdə fəal iştirak etməliyik. Aktivliyimiz çox artmalıdır. Biz fəallaşmalıyıq. Seçkilər bizim üçün çox önəmlidir. Uçağı əldən vermək olmaz".
