Azərbaycan Premyer Liqasının 20-cu turu çərçivəsində keçiriləcək “Qarabağ” – “Turan Tovuz” matçının biletləri bu gündən etibarən satışdadır.
Arena.az bu barədə Ağdam klubunun mətbuat xidmətinə istinadən xəbər verir.
Biletlərin qiyməti sektorlara uyğun olaraq dəyişir. Biletlərin qiyməti isə 3, 7 və 15 manat aralığındadır.
Biletlər bu gündən etibarən iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında da satışda olacaq.
Ağdam klubunun yaydığı məlumatda o da vurğulanır ki, qapılar azarkeşlər üçün matçın start fitindən 120 dəqiqə əvvəl açılacaq.
Xatırladaq ki, “Qarabağ” – “Turan Tovuz” oyunu yanvarın 26-da Tofiq Bəhramov adına Respublika stadionunda keçiriləcək. Turun mərkəzi matçına saat 18:30-da start veriləcək.
