Bu gün Rusiya ordusunun Odessa vilayətinə dron və raketlərlə hücumu nəticəsində 4 nəfər yaralanıb, yaşayış binaları və taxıl anbarı zədələnib.
Reyting.az xəbər verir ki, bunu Odessa vilayət hərbi administrasiyasının rəhbəri Oleq Kiper deyib.
Onun sözlərinə görə, hava hücumundan müdafiə qüvvələri tərəfindən gərgin döyüş işləri davam etdirilib və nəticədə düşmən raketi məhv edilib. Eyni zamanda, vurulan PUA-ların dağıntıları dörd çoxmərtəbəli yaşayış binasının və beş bağ evinin pəncərələrini zədələyib.
Bundan əlavə, Kiper deyib ki, taxıl anbarına ciddi ziyan dəyib.
Prokurorluq aydınlaşdırıb ki, ümumilikdə onlarla avtomobilə ziyan dəyib, onlardan ən azı 6 avtomobil tamamilə yanıb.
Hazırda yoxlama davam edir, dağıntı və dəymiş ziyanın tam siyahısı hazırlanır.
V. QULİYEV
