2024-cü ildə Azərbaycanın dövlət büdcəsinin funksional təsnifatının bölmələri üzrə xərc istiqamətlərinin heç biri tam icra edilməyib.
"Far.Az" bu barədə Maliyyə Nazirliyinə istinadən xəbər verir.
Məlumata görə, büdcə xərcləri 37 milyard 719,7 milyon manat olmaqla və yaxud təsdiq olunmuş proqnoza qarşı 2 milyard 22,6 milyon manat (5,1 %) az icra edilib.
O cümlədən, ötən il ümumi dövlət xidmətləri xərcləri proqnoza nisbətən 9,1 % az - 4 milyard 115,2 milyon manat, müdafiə və milli təhlükəsizlik xərcləri proqnoza nisbətən 5,1 % az - 6 milyard 563,6 milyon manat, məhkəmə hakimiyyəti, hüquq mühafizə və prokurorluq xərcləri proqnoza nisbətən 7,2 % az- 2 milyard 809,8 milyon manat, təhslil xəırcləri proqnoza nisbətən 3,5 % az- 4 milyard 390,1 milyon manat, səhiyyə xərcləri proqnoza nisbətən 2,1 % az - 1 milyard 827,5 milyon manat, sosial müdafiə və sosial təminat xərcləri 5,3 % az - 4 milyard 151,3 milyon manat, mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət xərcləri proqnoza nisbətən 13,6 % az- 497,1 milyon manat, mənzil və komunnal xərcləri proqnoza nisbətən 4,1 % az - 319,5 milyon manat, kənd təsərüffatı xərcləri proqnoza nisbətən 8,4 % az - 1 milyard 102,1 milyon manat, ətraf mühitin mühyafizəsi xərcləri proqnoza nisbətən 4 % az- 361,9 milyon manat, iqtisadi fəaliyyət xərcləri proqnoza nisbətən 2 % az - 9 milyard 701,2 milyon manat, əsas bölməyə aid edilməyən xidmətlər xərci proqnoza nisbətən 9,5 % az- 1 milyard 880,4 milyon manat icra edilib.
