Xorvatiyalı mütəxəssis Sergey Yakiroviç Türkiyədə çalışacaq.
“İki sahil” xəbər verir ki, o "Kayserispor"in baş məşqçisi təyin edilib. Bu barədə Superliqa təmsilçisinin mətbuat xidməti məlumat yayıb.
48 yaşlı mütəxəssislə 1.5 illik müqavilə imzalanıb.
Qeyd edək ki, Sergey Yakiroviçin sonuncu iş yeri yeri Zaqreb “Dinamo”su olub. Xorvatiya çempionu bu mövsüm UEFA Çempionlar Liqasının təsnifat mərhələsində məhz onun rəhbərliyi altında “Qarabağ”ı hər iki oyunda məğlub edərək (3:0, 2:0) mərhələni adlamışdı. O, ÇL-in Liqa mərhələsində “Bavariya”ya böyükhesablı məğlubiyyətdən (2:9) sonra sentyabrın 19-da “Dinamo”dan qovulmuşdu.
