Bu gün paytaxtda və bölgələrdə bələdiyyə seçkiləri keçirilib.
Mərkəzi Seçki Komissiyasının məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var. Səhər saat 8:00-da səsvermə prosesinə start verilib.
Xezerxeber.az-ın məlumatına görə, 118 seçki dairəsinin 5 846 seçki məntəqəsində səsvermə baş tutub. 685 bələdiyyənin 8 min 71 üzvü üçün 16 min 92 namizəd mübarizə aparıb.
Səsvermənin başlandığı andan etibarən seçicilərin aktivliyi müşahidə olunurdu.
Müşahidəçilər seçki prosesində qanun pozuntusu aşkarlamadıqlarını bildiriblər.
Bölgələrdə də seçkilərdə aktivlik müşahidə edilib.
Qeyd edək ki, bu seçkilərdən əvvəl bələdiyyə sistemində struktur islahatları aparılıb. Yeni qərara əsasən, əvvəlki 1 606 bələdiyyə birləşdirilərək 685-ə endirilib. Seçilən bələdiyyə üzvləri isə beş il müddətində fəaliyyət göstərəcəklər.
Xezerxeber.az mövzu ilə bağlı daha ətraflı videomaterialı təqdim edir.
