Vaşinqton, 20 dekabr, AZƏRTAC
ABŞ Prezidenti Co Bayden gələn il yanvarın 20-si yeni seçilmiş Prezident Donald Trampın andiçmə mərasimində iştirak edəcək.
AZƏRTAC-ın məlumatına görə, bunu prezident “Meidas Touch Network”ə müsahibəsində təsdiqləyib. “Əlbəttə mərasimə qatılacağam. İndiyə kimi prezidentlər arasında yalnız gələn ay and içəcək bu şəxs inauqurasiya mərasimində iştirakdan imtina edib”,- deyə Bayden bildirib.
Qeyd edək ki, 2021-ci ilin yanvarında Donald Tramp məğlub olduğu Co Baydenin andiçmə mərasiminə qatılmaqdan imtina etmişdi.
Məlahət Nəcəfova
AZƏRTAC-ın xüsusi müxbiri
Vaşinqton
