Madrid “Real”ı futbol üzrə İspaniya La Liqasında tarixi nailiyyətin – 5000 xalın astanasında dayanaraq, fürsətini gözləyir.
Arena.az bu barədə nüfuzlu “Marca” nəşrinə istinadən məlumat verir.
Mənbənin məlumatına görə, “qaymaqlılar” İspaniya yüksək divizionunda keçirdiyi bütün dövr ərzində 4999 xal toplayıblar.
İspaniya çempionatında topladığı xalların miqdarına görə növbəti komanda 4887 xalla “Barselona”dır. Madrid “Atletiko”su isə 4018 xalla ilk üçlüyü qapayır.
Növbəti oyunda italyan mütəxəssis Karlo Ançelottinin çalışdırdığı “Real” İspaniya La Liqasının 12-ci turunun təxirə salınmış oyunu çərçivəsində “Valensiya”nın “qonağı” olacaq. Oyun 2025-ci il yanvar ayının 3-də baş keçiriləcək.
Hazırda İspaniya La Liqasının ilk üçlüyü belə sıralanıb:
Madrid “Atletiko”su – 41 xal (18 oyun), “Real” – 40 xal (18 oyun), “Barselona” – 38 xal (19 oyun).
