Səudiyyə Ərəbistanının "Əl-Nasr" klubunun portuqaliyalı hücumçusu Kriştiano Ronaldo idmandan getməyə yaxındır...
Poliqon xəbər verir ki, bu barədə Teamtalk məlumat yayıb.
Mənbənin məlumatına görə, 39 yaşlı forvard "Əl-Nasr"la cari müqaviləsi başa çatdıqdan sonra peşəkar karyerasını başa vuracağını elan etməyi düşünür. Eyni zamanda, Ronaldo Portuqaliya klublarından biri ilə yekun müqavilə imzalamaq üçün vətəninə qayıtmaq variantını da istisna etmir.
Səudiyyə Ərəbistanı klubunun heyətində 83 oyunda Ronaldo 74 qol vurub, 18 məhsuldar ötürmə edib. "Əl-Nəsr" 25 xalla Səudiyyə Ərəbistanı çempionatının turnir cədvəlində dördüncü yerdədir. Çempionata 36 xalla "Əl-İttihad" başçılıq edir.
Ronaldo ailəsi ilə birlikdə Səudiyyə Ərəbistanına köçüb və 2023-cü ilin yanvarından "Əl-Nəsr" komandasının hücumçusudur. Ölkədə qadın və kişinin nikahdankənar bir dam altında yaşamasının qadağan olunmasına baxmayaraq, futbolçuya güzəşt edilib və övladlarının anası ilə birlikdə yaşamağa icazə verilib.
Poliqon.info
