"Kəpəz"də "yarpaq tökümü" başlayıb.
Fanat.Az-ın əldə etdiyi məlumata görə, Gəncə klubu "Turan Tovuz"a keçmək üzrə olan Orxan Əliyevin ardından daha bir futbolçusunu itirib.
Söhbət malili hücumçu Lassana Ndiayedən gedir. 24 yaşlı futbolçu qış tətilinə yollansa da, Azərbaycana qayıtmayıb. "Kəpəz" rəsmiləri onunla danışıq aparıb müqaviləsini qarşılıqlı razılıq əsasında ləğv etməyi düşünür.
Qeyd edək ki, "Kəpəz"ə ötən yayda Bolqarıstan "Botev"indən gələn Ndiaye qərb təmsilçisinin heyətində 15 oyuna çıxaraq 2 qolla yadda qalıb.
Mirağa
