Televiziya aparıcısı Kseniya Borodina instaqramda nişanlısı, bloqer Nikolay Serdyukovun “alfons “ adlandırılmasına etiraz edib.
OLAY yazır ki, Borodina sosial şəbəkələrdə nişanlısına qarşı irəli sürülən ittihamlara və tənqidlərə görə izləyicilərinin 10-15 faizindən utandığını bildirib. O, Serdyukovu “alfons“ adlandıranları “xəstə insanlar“ adlandırıb.
“Alfonslar – bu, sizin problemləriniz, qorxularınız, fantaziyalarınız və xəstə psixikanızdır! Kişi qadından az qazansa da, əgər sizlərin çoxundan çox qazanırsa, bu, alfons olmaq demək deyil! Yazıram və özüm də utanıram ki, belə şeyləri izah etməyə məcbur oluram. Abunəlikdən çıxın! Gedin və baxmayın, əgər bu qədər əsəbiləşirsinizsə! “ – deyə aparıcı qeyd edib.
Borodina açıq şəkildə tələb edib ki, onun şəxsi münasibətlərindən əl çəksinlər. Aparıcının fikrincə, onun münasibətlərini tənqid edən qadınlar öz kişilərindən yetərli diqqət görmür və ailə problemləri var. Onun sözlərinə görə, həmin qadınlar öz problemlərini onun eşqinə aid edirlər.
Borodina bəyan edib ki, onun kişilərlə münasibətləri heç vaxt maddiyyatla bağlı olmayıb.
“Mən həmişə ilk növbədə sevgini və hissləri seçmişəm. Amma heç bir kişi mənim himayəmdə olmayıb, o, hansı dövrlərdən və çətinliklərdən keçsə də. Mənim xarakterimlə belə bir şey mümkün olmazdı! “ – deyə, məşhur şəxs bildirib.
