ABŞ Çini Ukrayna ilə müharibədə Rusiyaya kömək etməyə görə hədələdi...

ABŞ Çini Ukrayna ilə müharibədə Rusiyaya kömək etməyin “sərt nəticələri” ilə hədələyib. Bu hədələri ABŞ-ın maliyyə naziri Yellen açıqlayıb.

“Yellen Çində yerləşən şirkətlərin də Rusiyaya maddi dəstək göstərmələri səbəbindən ciddi nəticələrlə üzləşəcəyini vurğuladı”, deyə ABŞ Xəzinədarlığının görüşdən sonra yaydığı sənəddə deyilir.

“Maliyyə naziri Yellen, həmçinin Çin hökumətinin maliyyələşdirdiyi subyektlərin kiberməkanda pis niyyətli fəaliyyəti və bunun ikitərəfli münasibətlərə təsirindən ciddi narahatlığını ifadə edib”, bəyanatda deyilir.

Bundan əlavə, ABŞ Xəzinədarlıq Departamentinin rəhbəri Çin Baş nazirinin müavininə Çinin Amerika şirkətlərinə zərər vuran qeyri-bazar iş metodları ilə bağlı narahatlığını ifadə edib.

Ülviyyə, Hurriyyet.az

• Ukrayna
• Müharibə
• Maliyyə Naziri
• Rusiyaya Kömək
• Yellen